Karminadle ze blomkola

SKŁADNIKI:

  • 1 blomkol
  • 1 jajco
  • 1 żymła
  • cebula
  • pieprz sól
  • żymła tarto do obkulanio
  • margarina do smażynio


JAK ZROBIĆ?

  1. Blomkol łobiyromy na kwiotki, myjymy pod bieżoncom wodom i warzymy w osolonyj wodzie (1 łyżeczka soli na liter wody)
  2. Zanim blomkol sie uwarzi namoczomy se nasza żymła abo we wodzie abo we mlyku
  3. Blomkol wahujymy coby sie niy rozwarził, mo być taki gynał ale ani niy twardy ani niy blank miynki
  4. Po uwarzyniu przecedzony i wciepujymy do miski, gnietymy widełkom abo przeciskomy przez preska do kartofli
  5. Cebula siekomy na drobne konski, do miski wciepujym odciśniynto żymła, posiekano cebula i jajco, wszysko doprawiomy do smaku solom i pieprzym idzie sie tyż pomagować
  6. Formujymy rynkom karminadle, wg uznanio - okrongłe, plaskate, jajowate, wielkie małe - jak lubicie
  7. Kulomy karminadle we żymle tartyj i smażymy na rozgrzotym tyglu