Śledzie z porym

SKŁADNIKI:

  • ok 250g matjasów (słonych śledzi)
  • 3 pory
  • bioły pieprz
  • 1 łyżeczka soku z cytryny
  • 1 łyżka oregano
  • olyj rzepakowy
  • krałzka

JAK ZROBIĆ?
  1. śledzie wymoczyć, odcedzić i pokroć na takie trocha wiynksze konski takie 3x4cm
  2. bioły pieprz zemloć ale niy na drobno ino żeby te ziorka były takie trocha rubsze (coby były wyczuwalne)
  3. bioło czyńść z porów krejymy na ciyniutkie paseczki (ewyntualnie półksiynżyce), tego pora bydymy potrzebować ze 150g
  4. do małyj asyjetki wsypujymy pieprz (uzależnione od tego wiela pieprzu lubicie) oregano, ok 4-5 łyżek oleju i sok z cytryny, to wszystko miyszom i zostawiomy na ok 0,5h żeby sie "przegryzło"
  5. tera we krałzie ukłodomy warstwa pora, na to warstwa śledzi, zaś por i zaś śledzie i tak aż wszystko wykorzystomy
  6. do krałzy wlywomy miyszanka oleju z prziprawami, krałza zakryncomy i delikatnie zwyrtomy i przechylomy tak coby tyn olyj zaloł śledzie i pora
  7. krałza odstawiomy do lodówki na conajmnij 24h