Syr marynowany w oleju

SKŁADNIKI:

 

  • syr bioły w konsku ok 250g
  • 4-5 ząbków czosku
  • zioła prowansalskie
  • papryka ostro
  • sól
  • tymianek
  • szolka dobrego oleju rzepakowego
  • krałzka

JAK ZROBIĆ?
  1. idzie wykorzystać syr tzw. sałatkowy, syr feta albo tłusty twaróg - tyn syr krejymy w kosteczka
  2. na dno krałzki wsuwomy trocha ziół, papryka i ukłodomy piyrszo warstwa syra
  3. syr solymy i wyciskomy przez preska ząbek czosku, przesuwomy ziołami i powtarzomy czynności tak długo aż braknie nom syra
  4. całość zalywomy olejym, krałzka zakryncomy i wstawiomy do lodówki na conajmnij 3dni

WSKAZÓWKA 1. używomy nojlepij oleju rzepakowego tłoczonego na zimno nierafinowanego ale idzie użyć tyż oliwa z oliwek albo inny olyj rzepakowy
WSKAZÓWKA 2. taki syr w oleju idzie trzimać dość długo ino musi być zatonkany cały czos
WSKAZÓWKA 3. olyj idzie sie wykorzystać do sałatki, tonkanio chleba abo na pizza