Zupa krym ze blomkula

SKŁADNIKI:

  • 1 blomkul (kalafior)
  • 1 cebula
  • 2 żabki czosku
  • 4 kartofle
  • ok 1L bulionu abo rosołu ze niedziele
  • masło, masło klarowane
  • śmietonka krymówka
  • prziprawy: sól, pieprz, cukier, gałka muszkatołowo


JAK ZROBIĆ?
  1. do garca (w kerym bydzie sie warzić zupa) dowomy ze 2 łyżki masła klarowanego i rozgrzywomy a w miyndzy czasie krejymy cebula na kostka i czosnek na plasterki
  2. na rozgrzoty tłuszcz wciepujymy cebula i lekko przesmażomy i dodowomy czosnek
  3. kartofle krejymy na kostka, blomkul dzielymy na różyczki
  4. na cebula i czosnek do garca wciepujymy kartofle, na wiyrch blomkul i zalywomy bulionym i warzymy
  5. przikrywomy ceklym, zmniyjszomy łogiyń i warzymy tak coby ino lekko bulkało tak aż wszystko bydzie miynkie
  6. jak sie uwarzi to dodoomy ze 5 łyżek śmietonki i blyndujymy na gładko i dodowomy 2 łyżki masła, pół łyżeczki soli i pół łyżeczki cukru, trocha pieprzu i na końcu łyżeczki gałki muszkatołowyj
  7. tera blyndujymy drugi roz i ewentualnie doprawiomy jeszcze do smaku
  8. zawarzujymy i zupa je fertig

WSKAZÓWKA: dobrze smakuje z przesmażonom cebulkom abo boczkiym i oczywiście z grzankami i groszkiym ptysiowym tyż je pycha