Schab warzony w mlyku

SKŁADNIKI:

  • 1,5 płaskij łyżeczki soli
  • 1 łyżeczka majeranku, czosku granulowanego i słodkij papryki
  • pół płaskij łyżeczki pieprzu, ostryj papryki, tymianku abo rozmarynu
  • 1kg schabu bez kości
  • 1L mlyka
  • 2 kulki ziela angielskigo, 1 mały listek laurowy

JAK ZROBIĆ?
  1. schab rychtujymy odpowiednio wczas, zeby móg sie dobrze zapeklować w prziprawach
  2. w asyjetce rychtujymy sól, majeranek, czosnek, papryka, pieprz i tymianek - wszystko miyszomy dokładnie i tom miyszankom obsuwomy schab z kożdyj strony, owijomy foliom i wrażujymy do lodówki najlepij na cołko noc
  3. godzina przed warzyniym wyciągomy schab z lodówki żeby dostoł tymperatury pokojowyj
  4. po tym czasie rychtujymy garniec* w kerym bydzie sie warził schab, wlywomy do niego mlyko, dodowomy listek i ziele
  5. mlyko zawarzujymy i do warzącego sie mlyka dodowomy odwiniynty z folii schab
  6. mlyko musi przikryć cołkie miynso a jak tego mlyka bydzie za mało to idzie doloć trocha wrzątku z czajnika
  7. jak schab zacznie sie warzić to zaczynomy odliczać czas - do ciynkigo schabu ok 25min a do rubszego ok 30min
  8. miynso warzić bez przikrycio tak coby cołki czos bulkało
  9. po tym czasie wyłączomy palnik, przikrywomy deklym i łostawiomy tak jeszcze z godzina
  10. po tym czasie wyciągomy schab, osuszomy ryncznikiym i idzie jeś taki gorki abo schłodzony na sznicie