Grzibki

GRZIBKI SUSZONE:

Grzibki do wysuszynio czyszczymy i niy myjymy

  • krejymy, nawlykomy na nić, rozkłodomy na papiór i suszymy w przewiywnym miejscu (grziby na papiórze trza przekłodac żeby niy zapleśniały)
  • idzie użyć suszarki do warzyw i grzibów

jak już bydom blank suche, że aż sie bydom kruszyć to dać do krałzy (słoika), szczelnie zakryncić i dać do suchego, ciymnego pomieszczynia

 

____________________________________________________________________

 

GRZIBKI DO ZAMROŻYNIO:

Grzibki idzie zamrozić w całości abo pokrote na surowo, ale my mrożymy grziby przesmażone bo zajmujom mynij miejsca w zamrażarce:

  • grziby czyszczymy, myjymy, szatkujymy
  • wciepujymy na rozgrzoty tłuszcz (my używomy margariny)
  • smażymy dociepując 1 płasko łyżeczka soli na 1liter grzibów w garcu
  • smażić ok 15minut

____________________________________________________________________

 

GRZIBKI MARYNOWANE:

Na 1kg grzybów do warzynio:

  • 2l wody
  • 2 łyżki soli
  • 1 łyżeczka kwasku cytrynowego abo octu
  • 1 średnio cebula

Na marynata:

  • 1 szklonka octu
  • 4 szklonki wody
  • 2 listki laurowe
  • 6 ziarynek ziela angielskigo
  • 6 ziarynek pieprzu
  • 2 łyżki cukru
  • 1 łyżeczka soli
  • szczypta biołyj gorczycy do kożdyj krałzki (słoiczka)
  • marchewka surowo

JAK ZROBIĆ?

  1. grziby oczyścić i wypłukać w zimnyj wodzie (wiynksze idzie pokroć)
  2. do 2litrów wody dać cebula, sól, kwasek abo ocet i zagotować
  3. do gotującyj sie wody wciepać grziby i warzić 15minut
  4. wyciągnąć i zostawić do wychłodniyńcio
  5. przigotować zalywa
  6. 3/4 krałzki grzibów,gorczyca, pora plasterków marchewki i konsek listka laurowego zaloć zimnom zalywom
  7. pasteryzować ok 15minut