Surówka z zielonych łogórków

SKŁADNIKI:

  • 3 myńsze łogórki gruntowe abo 1 wielki szklarniowy
  • 2 cebulki z zielonym szczypiorym
  • sok z cytryny
  • oliwa z oliwek
  • sól, pieprz, cukier do smaku

JAK ZROBIĆ?
  1. łogórki umyć i osuszyć (niy strugomy)
  2. przekrowomy wzdłuż i wyciągomy gniazdo z nasionami
  3. połówki łogórków krejymy na blank ciynkie plasterki
  4. plasterki wciepujymy do miseczki, posypujymy ze pół łyżeczki soli i zostawiomy na jakies 30min żeby puściły sok
  5. potym czasie odlywomy sok z łogórków żeby surówka niy była za mokro, dowomy łogórki na sito i czekomy aż łokapnom
  6. jak nom łogórki łokapujom to mogymy se posiekać szczypior i cebula
  7. ociekniynte łogórki przeciepujymy nazot do miski, dociepujymy posiekano cebulka
  8. w małyj asyjetce miyszomy ze 3 łyżki oliwy z oliwek, łyżka soku z cytryny, troszyczka cukru i miyszomy aż sie cukier rozpuści
  9. sos wlywomy do miski, miyszomy i doprawiomy jeszcze pieprzym i ewyntualnie solom
  10. na wiyrch posypujymy posiekanym szczypiorym