Kapusta bioło ze zesmożkom

SKŁADNIKI:

  • kapusta bioło
  • boczek wyndzony
  • łyżka smalcu
  • łyzka mąki
  • ziele angielskie, liść laurowy
  • sól, pieprz, magi
  • opcjonalnie koperek świyży


JAK ZROBIĆ?

  1. Kapusta poszatkować abo pokroć wg upodobań. Wciepać do wody, posolić ... tradycyjnie 1 łyżeczka soli na liter wody ale tyj wody trza sie tela przirychtować coby kapusta była przikryto. Jak bydziecie mieć troszka tyj kapusty to wiadomo, że niy wlejecie tam litra wody, no bo wiadomo, że to bydzie za słone.
  2. Do warzynio wciepujymy tyż ze 5 kulek zielo i 1 wiynkszy listek laurowy.
  3. Wahujymy coby sie kapusta niy rozwarziła. Woda odlywomy abo odparowujymy. (jo zawsze odlywom i zostawiom se taki mały gorczek w razie jakby mi sie zrobiło za dużo zesmożki)
  4. Trocha na dnie trza jednak tyj wody łostawić... ze 1-1,5 cynta styknie.
  5. Kapusta cołki czos trzimiymy na małym łogniu
  6. Boczek krejymy na kostka i smażymy na złoty kolor,
  7. dociepujymy łyżka smalcu, topiymy i wciepujymy mąka,
  8. zasmażomy to do kupy i wlywomy do kapusty.
  9. Całość musi sie zawarzić.... jak kapusta bydzie kitowato czy za gynsto dolywom łastawiono wcześnij woda ze warzynio kapusty.
  10. doprawiomy solom, pieprzym i magi wg upodobań.
  11. Jak mocie i lubicie to szatkujecie koperek i wciepujecie do kapuchy